My Writings. My Thoughts.
marijo bakusedu *Bahasa Manado mode : On*
OTO
Lukas datang dari Sanger, kong kuliah di Jakarta.
Tiap hari depe tamang2 pulang pigi kampus pake oto pribadi, akhirnya dia nyanda tahan.
Dia tulis surat dia pe papa di Sanger:
"Pa, napa tamang2 kekampus bw kuda,
ada yang bawa kijang, Ronald bw bebek,
no kita dang kasiang mo bawa apa:(( ?"
Depe papa cuma jawab :
"tanang kwa Alo, supaya ngana nda mo malo karna ngana pe tamang-tamang so bawa itu kuda, kijang denk bebek, nanti papa kirim babi pa ngana. Jadi ngana ka kampus so nda mo malo"
BERAPA LITER
Suatu waktu, Kale pigi pa Oom Petu pe warong. Pas sampe dimuka warong.
Kale : "Oom Petu, bli roko dang...?"
Oom Petu : (acuh sambil ba ator jualan)
Kale : (deng suara yang sadiki keras) "Oom Petu...bli roko dang ?"
Oom Petu : (masih tetap acuh)
Kale : (bataria keras skali) "Oom petu....! Bli roko dang...!"
Oom Petu : (deng nada marah) "Eh..Kale, baku hormat sadiki deng orang tua, ngana pe kira kita pongo ? Brapa liter minya so ngana mo bli ?"
Kale : ???
TANTA OLA BELI KACAMATA
Tanta Ola so rasa stress, lantaran, dia kalu lia orang so sadiki babayang.
Lantaran dia pikir depe mata so rusak, dia pigi di toko kaca mata.
Pelayan : "Siang tante, ada yang boleh kita bantu?"
Tanta Ola : "Kita pe mata so rusak ini noh...cari akang kacamata yang pas dang?"
Pelayan : "Tante so pernah pake kacamata?"
Tanta Ola : "Ohh..blum...."
Pelayan : "Kalu bagitu torang priksa dulu tante pe mata. Mari tante, torang ke tampa priksa."
Pelayan : "Tante, ini huruf apa ?" (sambil tunjung tu huruf yang sadiki basar )
Tanta Ola : "Nyanda jelas noh..."
Pelayan : "Kalu huruf ini dang?" (Sambil tunjung tu huruf yang lebeh basar)
Tanta Ola : "Masih nyanda jelas noh..."
Pelayan : "Ini komaling tanta huruf yang paling besar yang ada disini. Sekarang tanta bilang, ini huruf apa?" (sambil tunjung huruf yang depe basar rupa piring )
Tanta Ola : "Sama noh...masih nyanda jelas"
Pelayan : (sambil garo-garo kapala lantaran bingo) "Kiapa dari tadi nyanda jelas dang tanta ?"
Tanta Ola : "Kita kwa nintau babaca, ngana kase tunjung huruf. Mana kita mo tau?"
ARTI KATA KANIBAL
Alo : "Hei...Utu, ngana tau apa arti kata kanibal ?"
Utu : "Nintau noh..."
Alo : "Kalu bagitu skarang kita mo tanya pangana, kalu ngana makang ngana pe mama deng papa, orang pangge apa dang pa ngana ?"
Utu : "Yatim piatu noh..."
OPA DENG TOMAT
Di sekolah, Endi so terkenal lantaran amper tiap hari dia datang terlambat.
Kong suatu waktu lantaran so pastiU Endi selalu terlambat maso, de pe Engku so jaga kong mo tanya apa lei depe alasan sampe dia terlambat maso skolah hari itu.
Engku : "Skarang apa lei ngana pe alasan terlambat maso sekolah pagi ini endi ?"
Endi : "Adoooh.., engku, kita pe keluarga ada musibah pagi ini."
Engku : "Hmm... musibah apa ?"
Endi : "Tape Opa meninggal tadi pagi di kobong belakang"
Engku : "Ba apa so ngana pe Opa pagi-pagi di kobong ?"
Endi : "Tape mama ada suruh pete tomat for mo beking smokol, Eeeh.. tunggu-tunggu tape opa so nyanda muncul. Serta tape mama pi cek di kobong, tape Opa so kras di sei pohong tomat, kong tu tomat so ancor dia so tindis deng depe badan"
Engku : "Astagaaaaa....! Kong bagimana jo ngana pe mama waktu da lia ngana pe opa so dalam keadaan bagitu?"
Endi : "Mama langsung pigi di pasar ba beli tomat"
Engku : "???"
BAKU TINGGI PANGKAT PAPA
Ale : "Kita pe papa waktu taong 1975, depe pangkat so Mayor. Skarang, so Mayjen."
Utu : "Ah..kalu kita pe Oom taong 1970 so Kolonel."
Ale : "Berarti so Jendral skarang kang ?"
Utu : "Nyanda, so meninggal."
PARTAI KE 49
Utu deng Ola ada bacirita serius soal pemilu yang lalu.
Utu : "Eh..Ola..ngana tau nyandak, kalu sebenarnya jumlah partai yang mo iko pemilu kalamaring bukang cuma 48, maar ada 49. Cuma tu satu nyanda dapa kase izin iko pemilu"
Ola : "Apa so tu partai itu ?"
Utu : "Partai Perempuan Indonesia "
Ola : "Kiapa kasiang dorang nyanda dapa kase iko pemilu?"
Utu : "Dorang nyanda dapa kase iko lantaran dorang pe lambang partai"
Ola : "Apa so dorang pe lambang partai?"
Utu : "Tantu katu lambang parampuang noh..!"
Utu : "Untung panitia pemilu nyanda kase ijin for dorang mo iko pemilu, kalu nyanda, samua pemilih laki-laki pasti cuma suka mo cucu tu partai itu"
Ola : "Bicara lagi lei ngana ta lempar deng sloop...!"
BECAK
Ada tiga nona nona dari Manado mo nae tu becak di surabaya , kong bilang bagini 'pa itu tukang becak.
"Bang ! 'Tong tiga boleh...?"
Kong 'tu abang manyao bagini : "Hah...?! Tong satu aja berat banget apalagi tiga, Neng !!!"
KASE MASO ULANG
Pulang dari greja, om Utu pe dua mata bangka deng' biru merah, sampe de pe istri kage skali...
Kong om Utu pe istri, tanta Mintje tanya "Utu, kiapa sampe bagitu tu' mata ?"
Om Utu : "Tadi kwa di greja samantara manyanyi, tiba tiba ada cewek fasung maso deng rok pendek skali, maar de pe rok dang', ada tamaso kadalam pa de pe panta, karna dia badiri pas pa kita pe muka, jadi kita hela akang de pe rok supaya rapi dang..., maar tu' cewek malah 'da tinju akang kamari 'tu mata sablah kiri..."
Tanta Mintje : "Maar, kiapa 'tu mata kanan bangka dang...?"
Om Utu : "Karna kita kira dia nyanda' suka 'da hela de pe rok, kong terpaksa kita kase maso ulang tu rok kadalang..., kong dia tinju tu mata sablah..."
KIRIM SURAT NDA PERNAH BALAS
Utu, seorang murid SMP yang terkenal nakal, ditegur oleh Ibu Gurunya.
Ibu Guru : " Utu, kiapa kalamarin ngana nyanda maso skolah ?"
Utu : " Sakit, Nci !"
Ibu Guru : " Kiapa nyanda kirim surat ?"
Utu : " Percuma ! Nci kwa nyanda pernah balas...?????"
Salah arti...
utu da bawa oto der tomohon pi mnado, tu jalang baba turung gunung kong banya bok2 tajang!! satu kali utu da ba turung gunung kong der arah berlawanan (ba nae gunung) ada cewe laeng da bawa oto, pas dorang pe oto baku lewat... tu cewe sekaluar kapala der jendela kong bataria "OI..... PLANG2.... BABI!!" utu tersinggung kong utu sekaluar lei depe kapala kong bataria "TAMBIO LEI NGANA!!!!"........ 5 detik kmudian utu ba belok di bok tajang kong "BUFFF!!!" utu tabrak tu babi may da bera di tenga jalang!!
UTU HAGA!!!!
susu bebek
endi pi ba beli pa om utu pe warong
kong endi ba tanya, "om utu, ada jual susu bebek?"
om utu langsung bilang, "nda ada!"
setelah stenga jam, endi pi ba tanya ulang pa om utu, "om utu, ada jual susu bebek?"
om utu so stenga spaning tinggi ba manyao, "nyanda ada !"
serta satu jam, endi pi tanya ulang le pa om utu, "om utu, ada jual susu bebek?"
om utu koman so ba veto, "endi, qta so bilang qta nda ba jual susu bebek ne! satu kali le ngana ba tanya susu bebek pa qta, ta paku pa ngana di dinding!"
endi langsung bale tanya, "om utu, ada jual paku?"
om utu langsung balas, "nda ada!"
endi langsung tanya ulang, "no susu bebek dang?"
.. TATA..TATA..TATA
om endi:" ma... ngana ini slalu pulang malam do'e..."
mama:" kita kwa banya urusan....."
om endi:" urusan apa...?"
mama:" urusan TATA BOGA, TATA RIAS...DLL..."
om endi:" ngana ini sibuk deng ngana pe urusan TATA..TATA... ngana so ndak parduli deng kita pe TATA GANTONG deng TATA BEMBENG... sampe so TATA LIPA.. ndak perna ngana mo lia akang....
ungke naik bis kota
ungke ada baru datang di jakarta dan dia kalu ada suruh ke pasar salalu jalang kaki karna nintau mo naik bis jurusan apa....? satu hari dia ba pikir kalu bagini trus dia nyanda maju2 dang......akhirnya ungke ba brani kong dia dola tu bis, pas di dalam bis itu kenek ja ba taria sudirman2....ada yg turung dari bis....saharjo2....ada lagi yg turung jadi
pas maso di pintu TOL itu bis lari kencang kong tiba2 ungke lia tu pasar yg dia mo pigi so talewat...kage2 DIA BA TARIA...UNGKE DEPAN....mar tu kenek deng sopir nyanda mangarti jadi itu bis nyanda brenti....kage2 dia ba taria ulang...KITA SO BILANG UNGKE DEPAN NGONI BADIANG AKANG .....UNGKE NEEEEKKKAAAAADDDD......
JULIO IGLESIAS
Kale : "endi.. kita dengar kata Julio Iglesias mo datang kang ka Indonesia?"
Endi: "iyo?? ngana tau dari mana so?"
Kale : "televisi noh! coba kwa kalo kita da banya doi.. kita mo bli depe tiket konser.. kita ini fans brat pa Julio Iglesias.."
Endi: "odoh ngana ini dang.. bilang pa kita fans brat mar cumu depe nama masi salah."
Kale : "salah bagemana leh??"
Endi: "kalo cumu jang baca Julio mar Hulio Iglesias.. huruf J ngana baca H."
Kale : "ooo.. bagitu dang.."
Endi : "kong tempo apa dang dia mo datang, kale??"
Kale : "sekitar bulan Huni atau Huli.."
Bangka
Di muka tampa praktek dokter kelamin, ni Utu so bola-bale gelisah skali...
Nintau karna so nda tahan depe saki, ato so nda sabar mo dapa pangge depe giliran.
pe dapa pangge laju-laju dia maso
Dokter: Malam... kyapa ini dang?
Utu: Malam.. Iyo Dok ada masalah sadiki ini.. Mar ta somo buka tape calana boleh?? napa kwa dok ta so nda tahan koman ini..
Dokter:Oh Iyo.. buka jo dank
Utu: Maaaarrr... hmmmmm.. Dokter jang tatawa akang nee??
Dokter: (bingo) ohhh... iyo.. ta janji nda mo tatawa
Utu pe buka kamari ternyata depe 'barang' cuma 'sekian dan trima kasih'. Cuma sama deng jempol... Dokter spontan langsung tatawa tangisi-ngisi..
Utu: (muka maskena) Yaaah.. Dokter, tadi bilang kwa nda mo tatawa..
Dokter: Ohh.. Iyo.. Iyo..Sorry dank (mar stenga mati batahang tatawa).. bilang jo dank kamari apa ngana pe keluhan..
Utu: Bagini kwa Dok.. ta so bingo!! ta pe barang ini so tiga hari BANGKA!!!
ADE TATEMPEL... (DEWASA)
satu kali om endi deng tanta stin so suka skali mo bermaen cinta... maar sayang skali krn dorang pe rumah cuma ukuran 6x6m..jadi ruang tamu,kamar tidor,dapur samua jadi satu...kong tambah dorang pe anak tole masih umur 8 taong...jadi bingo bagemana harus mo memadu cinta... mar Om endi nda ilang akal...Om endi bataria pa tole kong bilang:
Om endi: Tolee.. ngana pi bli akang roko pa papa di warong ujung sana ee..
jangang yg di dekat sini...pokoknya tu di jao sana...bajalang kaki
plang2 jo...pokoknya jgn lari...awas kalu ngana lari...
Tole : iooo pap ( mar dalam hati, ahhhh... kita pe tamang so pangge ber
maen..jadi kita mo lari jooo ah...asih papa nintau)
akhirnya tole tancap gas kong om endi capat2 balumpa ka koi kong mulai tu action... baru 3 menit tole so bale mar tole pe rem blong...jadi tole sambar tu pintu * braaaakkkkkkkkkkkkkkkkkkkkkkk* om endi langsung tarek se kaluar om endi punya kong kage om endi pe sperma tapancar di dinding...Om endi nae darah kong bataria pa tole:
Om endi: TOLEEEEEEEEEEEEEEEEEE... BODOKKKKKK SKALIIII NGANAAAAA..
NGANA LIA NGANA PE ADE SO TATEMPEL DI DINDING SANAAAAAAAAAAAA... AAAARRRRRRRGGGGGHHHHHHH...
ruma saki jiwa
ada 3 orang saki jiwa di sario dokter mo priksa. pertama dokter tanya pa om utu (ini om utu bekas pengurus kud kong stres cingke ada murah). dokter tanya "utu 2 tamba 2 brapa..."
eits om utu pe mata langsung putih lantaran depe biji mata takaatas to? biasa mo action bapikir kata... nda riki 15 detik dia jawab mar ragu ragu
"sribu lapan ratus lima pulu stou?"
lanjut pa tanta dorse "kalu tanta dorse, 2 + 2 brapa..."
tanta dorse jawab deng genit "kamis no....." ini tanta dulu wts paling top di lorpop pernah pejabat pe simpanan ley, mar lantaran so mulai tua kong tu pejabat kpk so dapa jadi...yah begitulah.
skarang dokter mo tanya pa om alo...
"lo...2 + 2 brapa..."
ini om alo ini pernah anggota dewan kong dapa pecat deng dp maitua setinggal jadi kasiang skr bakantor di sario sini bukang sario dekat koni...
om alo ambe kayu kong garis-garis di tanah, 10detik kemudian dia badiri kong jawab "empat pal dokter..."
dokter tatawa senang brarti ada kemajuan, kong dia tanya pa om alo
"dapa dari mana itu om alo...
om alo jawab
"kase baku kurang to sribu lapan ratus limapulu dengan kamis?"
dokter tadiang...tanta dorse deng om utu tatawa. sapa yang seno ini...
kata sambutan
suatu hari ada acara di balai desa
kong tamu2 yang hadir
kapolda & camat, lengkap beserta pasangan masing2
lantaran tamu2 yang ada cukup bonafid, kuntua so gugup & tako mo kase kata sambutan
kong kuntua lia ni depe pala' so ba pancing
jadi kuntua suruh tre pa pala' buat mo bawa kata sambutan
ni pala' cuma dabilang, "kuntua, qta nintau mo mulai bagimana?
kong kuntua bilang, "sudah pokoknya mulai jo dengan saudarA dan saudarI, kong ngana se trus jo no depe sisa
lantaran so pancing, pala langsung mulai kata sambutan
saudara-saudari yang saya hormati
yang saya hormati pula bapak kapolda bersama ibu kapoldi
yang saya hormati bapak camat dan ibu camit
dan yang terakhir bapak kuntua dan ibu .....
belum ta trus pala langsung brenti lantaran kuntua so tunjung pelungku pa pala'
.......
PATUNG DR. SAM RATULANGI
Alo ada kase pasiar pa ini bule (org barat / turis) di kota manado, Alo kase baron di jln. samrat, psr 45, teling, wanea ;
Bule : hei friends (alo) ini gereja katedral, berapa lama kamu orang bikin
Alo : kita nintau noh, mar kira-kira 5 taong stow mester
Bule : oh kalau di negara saya, gereja seperti ini, kita orang bikin hanya 2 tahun saja
Bule : kalau yg gereja sana (gereja centrum) berapa lama kamu orang bikin
Alo : kalo gereja itu, kira kira 3 taong stow mester
Bule : kalau di negara saya, hanya 1 tahun saja
Bule : yang kantor gubernur sana, berapa lama kamu orang bikin
Alo : oh itu paling cuma 2 taong mester
Bule : oh kalau di negara saya, bangunan seperti itu cuma 6 bulan saja
Bule : nah kalau patung Dr. Sam Ratulangi ini, berapa lama kamu orang bikin
Alo : (Alo so grel skali lantaran ni bule pe sombong skali) .... hei mester, tadi malam, waktu kita lewat di sini, ini patong belum ada
Bule : Whaaaaaats ???
mabo di greja
ada satu om mabo kong tatidor di greja.... waktu dia tatidor datang pendeta mo sebangun. pendeta bilang bagini...
"om...om bangun...."
ini om mabo tabangun kong bilang pa pendeta....
"kenapa engkau membangunkan aku di rumah bapaku?"
ini pendeta takage, dia langsung cari cari jawaban nimau ilang muka to? apalagi pa orang mabo...dia jawab bagini pa om mabo...
"engkaukah Tuhan?"
langsung om mabo jawab deng mata 5 watt..
"engkau sendiri yang mengatakannya...."
Akhirnya Sadar (Agak adult)
Pas Opa (nama samaran) da bajalan malam-malam, dia dapa lewat tu tampa tu cewek (WTS) ja nongkrong akang kong so 4 malam ini nda da tamu.. Jadi karena faktor kebutuhan dengan mungkin malam so lebe dingin, jadi tu cewe mulai pasang harga pa Opa.
Cewe: Opaaa..adooh jarang-jarang ada opa pasung lewat disini noh... bayar jo 100 rb, kong torang boleh berduaan ni malam..
Opa: (goyang2 kapala) ckckckck.. sadar jo kasiang anak...
Cewe: (nda putus asa).. noh 50 ribu jo dang opa...
Opa: (tetap goyang-goyang kapala)...sadar jo kasiang ngana anaaaak...
Cewe: (lantarang so lebe dingin tu malam, so nda ba pikir doi) noh bagini jo dang opa... frei jo dang yang penting qta nda kedinginan ini malam...
Opa: (tarek napas panjang) hhhhhhhhmmmm.. akhirnya sadar jo kote ngana...
Latihan Koor
Jam 9 malam Alo pulang ka rumah manangis, mata kiri bangka kong so warna dongker, idong badarah kong tu baju ta rabe2... Pe dapa lia Alo pe model so bagitu, depe Papa ta kage jaha...
Papa: ALO... KYAPA NGANA KASIAAAANG?????
Alo: (sementara manangis)Huuuhuu..huuuuu..ini noh Papa!!! huuuuu...So butul kwa qta mo iko latihan karate... PApa cuma da suruh iko latihan koor...huhuuuuu... Co lia ini.... Sarta orang dola, Qta mo tangkis deng SUARA DUA??????
balik sempit
satu kali opo ba kumpul deng anak2 muda di lorong....kong dorang pange pa opa ba uni film bokep/bf dang....end nyanda tanggung2 dorang kase lia pa opa 3 film skaligus....
selesai ba uni capat2 opa pulang kong ba sosuru pa oma di bawah selimut...karna so terangsang skali opa capat2 langsung ambe jatah pa oma....
dan dorang lagi samantara...dang....tiba2 opa ba tanya pa oma......
OPA : adooee oma kiapa ini malam rupa laeng depe rasa ?
OMA : laeng bagimana dang opa depe rasa ..?
OPA : kiapa so lebe sasa/sempit dang...? atau ngana da minum jamu rapet wangi stow.....?
OMA : jamu apa lei....ngana so talalu capat2 kong itu SELIMUT so ta iko maso ngana bilang sempit..............
OPA : oooodddooooddddeeeeeee
3 Pertapa
Ada tiga orang pertapa, dorang pe rumah di pinggir danau mar dorang tiga mo bertapa di sebrang danau.
Pas somo bertapa, tu pertapa I basuara: Adoh qta lupa ambe karpet for mo dudu akang.. dia langsung badiri kong ba potong ditengah danau, bajalang diatas aer sampe disablah kong babale ulang bawa karpet. Sarta dia so dudu, tu pertapa II basuara: Yah noh..qta lupa angka leh tu baju2 da jemur. Dia langsung badiri kong ba potong di tengah danau, sampe disablah dia trus ka rumah kong angka tu baju da jumur kong taruh didalam rumah. Abis itu dia langsung babale ka tampa bertapa dengan santai. Ini pertapa III basuara didalam hati: Aww in 2 org ini mo coba pa qta stow noh?? Dorang so ja demon pa qta, bajalang di atas aer... Dia langsung badiri, kong dia langsung balangkah ka tengah danau. Dengan PD 101% plus nekad, dia langsung ba langkah..Adoh, dia langsung jatung di aer kong malamise, maso didalam danau... so coba batobo ka pinggir, tetap nembole... kage tu pertapa I deng II baku haga kong tu dia bilang; somo setau jo pa dia di mana itu batu-batu tadi torang da injang pe tampa???
bendera irak
Om alo so sekarat di rumah saki....
Nafas so kurang satu-satu... maar om alo masih bertahan.
Om alo pe anak laki2, endi, so kasiang lia pa depe papa, dia bilang "papa relakan jo... papa so dapa lia siksa sekali... kalo papa mo ada permintaan, kase tau jo... nanti kita mo pi cari supaya papa boleh mo tenang... menyusul pa mama"
Dengan susah payah tuh om alo jawab "e.. endi... f.. for terakhir pa.. papa mo suka lia be.. bendera irak... karna dulu pa..papa dah berjuang di perang te..teluk kong me..menang. Ngana ca..cari akang kwa, endi."
Biar bingo mar endi pi cari. Semua orang dirumah sakit dia tanya akang.
Ternyata ada satu orang suster yang punya tatto bendera irak di pantat... akhirnya endi dapa buju pa tuh suster for mo kase tunjung tu tatto pa depe papa yg so sekarat.
Setelah tu suster so lucur calana dalam kong kase tunjung tuh tatto bendera irak pa om alo... om alo pe napas so mulai teratur.
Om alo pangge ulang pa endi kong bilang, "endi for terakhir jo, bilang pa suster ba bale badan menghadap kamari... papa mo suka lia pa saddam husein for terakhir..."
KURANG 10....
Opo ada pigi dokter karna so nda tahan deng depe saki....
So1 bulan ada saki... opo cuma ja tahang... maar ini kali dia so nda tahang komang...
Opo : dok, kita pe dada saki sekali... terakhir kita batuk2 so kaluar darah.
Dokter : adooh.. kyapa baru datang skarang... coba kita periksa dulu.
Setengah jam dokter periksa ini itu... Opo so pasrah jo.
Dokter : Adoooh kita so angka tangan... nda mampu kita mo kase bae.
Opo : yaaa dokter... jangan bagitu kwa... kirim jo dang kita ka rumah saki...
Dokter : so percuma... ngana pe waktu kurang 10.... (dokter tadiang.. nda mampu mo kase terus tuh kata2.)
Opo : HAAA? kurang 10 dok? 10 tahun?
Dokter : (geleng2) nda sampe....
Opo : HAAA? 10 bulan?
Dokter : (geleng2) ..... (speechless)..
Opo : adoooh kurang 10 minggu dank...?
Dokter : (nda ba reaksi...)
Opo : ba butul jo dok... masa kurang 10 hari....??!??
Dokter : (geleng2) nyanda .. sekarang kurang 9....
Opo : ???
Dokter : 8......7.......6.......5......
Opo so nda dengar... so pingsan....
pakean dalam
Tanta Mintje br kaluar dr RS karna da kana saki kanker toto (sorry....agak kasar sto).For mo se sanang pa dia, om Tole bawa shopping ka matahari store.
Tanta Mintje lsg ka tampa BH kong lia2 deng ja coba2 pas.
Tanta Mintje : Tole rupa mantap ni BH pe model.Qt da mo bli brapa biji.
Om Tole : Eh..Mintje...for apa le ngn mo bli tu BH...kan ngn so nda ada apa2 for mo bungkus?
Tanta Mintje : Hei...ngn lei ini. So kapan qt da komplain pa ngn kl ngn pake cd (calana dalam) ?...
Samua.. : ????!!!!!(mangarti jo....?)
2 juta kasiang
Tole ada tinggal di kobong di masarang so 7 bulan...
tinggal sandiri nda ada tamang.... cuma ada jaga2 tuh kobong...
secara umur... Tole so cukup tua.... so 30 lebe.... tuh kebutuhan arus bawah so pe kuat... riki so ba guhi....
tole pe nda tahang jo... akhirnya dia turung dari kobong ka pasar tondano... jual hasil kobong....
setelah itong2... dia cuma dapat jual 200ribu samua depe hasil kobong 7 bulan kerja....
dengan sedih tole mo pulang jo di kobong... tuh arus bawah pe desakan yang kuat musti dia tahan...
tole pikir "mo beking tanggul jo supaya ta tahang ini" sambil pegang tuh restleting karna kuatir somo 'picah rest'...
pas tole bajalang di stasion mo cari oto... tole dapa lia cewe gagah... mulai depe muka pe sugab... ada ba pake kurang lawan selebriti... kong depe bodi... picah2 fajar punya.... yang yang paling menonjol tuh cewek pe bemper muka... menonjol sandiri... kalo oto musti banya jaga jarak... jang tatabrak... pokoknya mantap sekali...
karna so nda tahan tole ba dekat pa tuh cewe.... kong tole bilang "cewe tolong akang kwa pa kita..."
tuh cewe balas "mo tolong apa dang om?"
"kita so 7 bulan di kobong... kong so ... so... so ingin sekali mo dapa pegang tuh itu noh" kata tole gugup deng mata nda lepas dari tuh cewe pe bemper... ehhh susu.
"eeeh... nentau hadat nih oom,,, om pe kira kita cewe apa.... sambarang ngana om... kita mo ba taria akang ini..." teriak tuh cewe...
tole jadi tambah gugup..." ado doe... tenang.. jang dulu marah... kita kase doi no kalo ngana mau... adooo doee... jangan ba taria dang..."
tole tako ada orang dengar... kong dorang malendong pa dia....
dengan muka streng tuh cewe bilang "bayar? oom pe kira kita lonte so... sambarang ngana oom."
"kita kase 200 ribu neh... cuma mo pegang itu dua 10 menit jo" tole ba buju.
"HAAAA ... sagala jo ngana om.... nyanda..." tuh cewe so lebe ba taria.
tole so menyerah. dia tako tuh cewe so mo lebe ba taria keras... iseng-iseng tole bilang sambil buang muka "kalo ngana mau 2 juta le kita kase..." tole pe gengsi langsung nae karna tuh cewe nemau... maar sambarang bicara.
tuh cewe pe muka langsung berubah. Sambil senyum tu cewe ba tanya "butul ini om? 2 juta cuma mo pegang 10 menit? butul jo...?"
Tole ta kage... kong dia bilang "ado doe... ngana nda percaya pa kita? kita ley nda sambarangan rupa ngana bilang tadi"
Tuh cewe langsung tarek pa tole ka toilet umum di belakang stasion.
Karna sepi... tuh cewe langsung angkat depe kaos deng BH. Abis itu dia ambe Tole pe tangan kong dia taruh pa depe susu, tuh cewe bilang "laju jo om... tuh 10 menit kita itong dari sekarang neh."
Karna depe kage, Tole cuma ta iko-iko. Sambil ramas-ramas tu cewe punya... Tole ba basuara pelan "adooooo doe.....adooo doee"
tako jang ada orang dengar, tuh cewe ba marah "om badiang sadiki kwa... so kase pegang ley... pe ribut."
maar tole so acuh... masih ba ramas dia ulang-ulang ba suara "adooo doe.... adooooo doeeee.."
tuh cewe pe pastiu, dia ancam pa Tole "kalo om nda mo ba diang, brenti jo dang...."
Tole masih ba suara so sekalian mengeluh "adoooooo doeeeee....
MO DAPA DI MANA KASIANG TUH 2 JUTAAAAAA?
So CobA MacAM-MacAM CaRa
Tiap abis ML, Oma selalu mengeluh pa Opa "Susah kalo so tua, paling lama tahan 2 menit, ta gantong no katu kita."
Opa ley so bingo karna tuh "busi" so nda talalu ba api. Opa bilang "Tenang jo ngana, nanti kita pigi minta obat pa dokter."
Depe besok Opa pigi pa dokter, kong carita depe masalah. Dokter bilang "Kita bingo mo kase obat apa pa Opa kalo kita belum tau depe penyebab. Jadi lebe bae Opa pe sperma kita mo cek di laboratorium dulu jo. Nanti besok Opa bawa Opa pe sperma kamari."
"Kong mo taruh dimana tuh sperma dang, dokter" tanya Opa.
Dokter ambe toples bekas selai kong kase pa Opa. "Taruh sini jo. Kalo susah mo kase kaluar tuh sperma MINTA TOLONG pa Oma jo. hehehe." kata dokter bakusedu.
Akhirnya Opa pulang bawa-bawa tuh toples bekas selai. Dua minggu kemudian Opa datang lagi pa dokter. "Bagimana Opa? Mana jo tuh sperma? Kong kyapa pe lama baru datang bawa?" tanya dokter.
Dengan malo-malo opa jawab "Adoooh bamana kang dok... kita nda bawa tuh sperma noh. Ini toples jo masih kosong" sambil Opa kase tunjung tuh toples yg masih kosong.
"Kan kita so bilang kalo susah, MINTA TOLONG jo pa Oma bantu akang." jawab dokter sambil senyum-senyum.
"Sudah dokter, kita so MINTA TOLONG pa Oma, mar nda bisa. Sampe kita so MINTA TOLONG pa tu Tanta kita pe birman, MINTA TOLONG pa kita pe anak parampuang, MINTA TOLONG pa kita cucu laki-laki... maar tetap nda bisa noh. Dokter stou boleh bantu akang?" kata Opa malo-malo.
Dokter takage kong dengan marah dokter ba veto "HAAA? Sampe deng anak dan cucu Opa ada MINTA TOLONG? Kong Opa mo MINTA TOLONG pa kita ley? So gila nih Opa..."
"Abis mo bagimana dok, so coba macam-macam cara ini toples nda mo ta buka...."
utu sok logat
depe utu baru datang di jakarta dan blum manarti bahasa deng istilah di sana,pas utu di suruh ka pasar,bingo mo cari ojek dan mo bicara apa pa tukang ojek...karna so terpakasa jadi utu ba brani batanya pa tukang ojek
utu: bang kalau ke pasar depan berapa...? dengan fasih utu ba logat
ojek: oo kalau cuma ke pasar depan GOCENG aja mas....
utu: ??? jadi bingo2 yaki
dengan so tau utu batawar....
utu: bisa kurang engga bang ?
ojek:boleh
utu:gimana kalau GOHU aja bang...?
ojek:berapa tuh gohu bang ? gue baru dengar????
utu : bilang dulu GOCENG LOE BARU GUE BILANG BERAPA GOHU GUE.....
OJEK:#@$$#@%$#@
Boss dapa pa Tole
Tole br brapa bulan karja pa Boss pe company.Karja te bgs mar tiap saptu slalu sk plg capat.Tiap kali pake alasan keluarga, sebe or maa or tete even depe ade slalu dia beking alasan, da saki, cilaka,ta toki ect.Padahal tiap saptu bagadang deng mintje,shoping deng jalan2. Satu kali pas saptu,tole bapikir alasan apa komang skrg,pas le lagi pope maklum akhir bulan...O..iyo..nene pe giliran skarang.
Tole : Boss, qt musti plg skrg,soalnya ta pe nene mo kubur skarang di kampung.
Boss: Oke, qt turut berduka. Singga pa sekretaris kong ambe tu dana duka.
Kaluar kantor, Tole baba floit trus dalam hati,"Boss biongo, slalu percaya ta pe upit2 ha..3x".
Depe hari senin pas maso karja, Tole dp pangge mangada pa Boss.
Boss : Tole, ngn parcaya ada tu kehidopan sesudah kematian.
Tole :Oh..jelas parcaya.(Dlm hati, "topik apa ini?".)
Boss : Oke, kl bagitu samua beres...everithing just fine...Hari saptu lalu wkt ngn plg capat for acara penguburan, anang pe nene da basinggah di kantor cari pa ngana.
Tole : ??????!!!!!
"Tit-Tit"
Oom Kale bermasalah sadiki deng depe 'kegiatan' di tampa tidor.. kong Oom Kale pi konsultasi di tampa khusus pengobatan tradisional (sama deng " Mak Erot") di Sindulang sana..
Klaar konsultasi deng tu Oma di Sindulang, Oom kale pulang deng muka sama deng da gantong akang blanga.. Pemahal tu mo bayar, Rp. 1,2jt adooohhh.. Oom kale nda ada doi banya bagitu.. Oom Kale musti batifar 6 bln baru boleh ta kumpul doi banya bagitu.. napa leh tanta Min so kurang veto-veto pa Oom Kale (karna nda ja ba dapa stow)
Akhirnya Oom Kale buju2 pa tanta Min, for mo mangarti akang Oom Kale pe susah.. Tanta Min stuju walopun tiap hari bacirita nda ada depe sopan kamari.. ba veto trussss!!
1 bln lewat.. 2 bln... 3 bln... hah!! 6 bln sudah...
rekeng kamari doi da takumpul 1,250rb
dengan semangat juang 45 Oom Kale langsung turun Manado..
Sampe di Sindulang Oom kale langsung bayar, dapa tu obat cuma 3 biji..
Kong tu oma se ajar depe cara pake, sebelum 'tidor' minum tu obat kong bilang "Tit.."
Oom Kale penasaran, jang kage nda jadi.. Oom Kale coba 1 biji kong tu Oma bilang "Tit..."
Hah!! mantap.. Tok cerrrr...
mar bagimana Oom Kale mo pulang deng keadaan 'bagini"?
oma bilang “gampang!! ngana bilang jo dua kali bagini :"Tit-tit.." turung sandiri dia..”
oohhhh... turun jo akhirnya...
Oom Kale pulang ba bafloit..
sampe d Karombasan Oom kale so lapar dia lia da doi sisa 40rb masih boleh makang ini sblm pulang.. Oom Kale makang sambil bapikir..
“Pemaaarrr... kage Cuma tu oma pe suara kong ini obat berfungsi kang?? alahhh ta musti coba ini, jang kage nda jadi, Min somo ciraro pa kita"
Oom Kale talang 1 biji.kong dia coba "Tit..."
ohhh berfungsi kote…. Mar cilaka ini mo pulang.. jadi Oom Kale se turun ulang “Tit-tit”
Oom Kale langsung pulang sanang2.. walopun tu obat sisa 1..
sampe rumah pas-pas so malam
Oom Kale: Min… Min… laju jo kamari Min… jago ini Min..
Tanta Min: (masih muka-muka brot) Kyapa.. apa leh ngana mo bilang?
Oom Kale: ngana lia dulu kwa ini Min.. (sambil tarek tanta Min ka kamar)
Oom kale minum tu obat..
Oom Kale: (dengan muka sumringah) Lia ini, Min… Tit… (langsung ‘bangon’)
Tanta Min: Alaaaaah kale.. Apa leh ini Kale!!!! segala rupa jo ngana!! Nintau apa leh ngana ba TIT-TIT,.. bagitu!!
Yaaaaaahhhhhh…. :-(
baku lawang brani (offensive language in use!)
3 paitua (om petu, om kale, om endi), da bawa dorang pe anak2 spanggal (umur2 10 taong) (utu, tole, ungke) pi pante, malang2 buta!
petu: ngoni tau,... kita pe anak (utu) kwa anak ini, anak paling brani di kampung sini ya!
kale & endi: oh masa...?!?!
petu: ngoni lia e..... (petu pangge depe anak) Utuuuuuuuuuu.... kamari dulu ngana!!!!!
utu: (lari ka depe pa') kiapa pa'?
petu: co ngana pulang ka rumah kong ambe papa pe roko di meja makang!
utu: oh io dang pa!
der pante ka rumah utu bajalang kaki sandiri liwat itu kobong kalapa kong kuala pentu' malang2 buta!.... kong 15 menit kemudian utu bale, kong kase tu roko pa depe pa'
petu: ngoni so lia toh, endi, kale,..... pe brani skali toch tape anak ni dia!!!bajalang maso tu kobong glap2 bagini, sandiri lei!!!
kale: oh itu blum apa2.... ngoni 2 lia tape anak ne,..... (pangge depe anak) TOLEEeeEEE!!!!.... coba pa' mo bilang akang!!!!
tole: (balari ka depe pa') kiapa pa?
kale: co ngana nae ka sana tu kalapa kong pete ka sana barang 3,.... torang so aus ini.
tole: oh io... pa' tunggu jo dang e..!
tole nae tu pohong kalapa glap2 kong pe tinggi skali tu pohong...5 menit kmudian tole se ciri tu 3 kalapa "BUFFF...BUFFF...BUFF" kong tole lei turun...
kale: ngoni lia tape anak... so dia tu paling brani di kampung!!
petu: oh bole jo ngana pe anak ee!!!!!
endi: sabantar dulu.... ngoni kwa blum lia tape anak ni dia....(pangge pa depe anak) UNGKEEEEEEEEE.......!!!!!!!! kamari dulu... pa mo bilang akang!!
ungke: kiapa pa?
endi: co ngana pi ka lao sana kong batobo cari akang papa' pe prao tu da talapas tadi sore!
ungke: (muka brot, deng mata basar) "NGANA P*M*Y DENG NGANA, NGANA KIRA KITA ROBOT?!?!?....TU AER RUPA AER EIS,... BLUM LEI TU IKANG GORANGO, DENG TU TANDIPANG KURANG MO CIRARO PA KITAKALU KITA PI BATOBO SKARANG... JA PAKE ONTAK SADIKI KWA' KALU BASURU EEE!!!"
endi: ngoni 2 lia,.........so sapa pe anak tu paling brani ?!?!?!?!??!
Baku lawang banyak maitua
Utu deng Sampel pigi ka pesta, kong di pesta ada sadia minum saguer manis kong ja minum pake tampurung kalapa.
sementara minum dorang dua kong Utu ba tanya pa Sampel :
Mpel, ngana dari ngana masihh muda sampe sekarang so kaweng, kalo mo rekeng2 akang ada berapa ngana pe maitua ???
Sampel jawab : hhmm..... (bapikir....) kita p maitua sampe bini yang sekarang ada 134 orang. kong Sampel bale tanya pa Utu :
nohh ngana dank Tu, brapa ngana pe maitua samua dari masihh nyong2 sampe bini yang ini ???
Utu jawab : ohhh kalo kita 43 so deng kita pe bini yang ini.
kong di sey pa dorang dua Utu deng Sampel ada Alo lagi minum saguer, kong dorang dua tanya pa Alo :
ehhh Alo ngana pe maitua dari ngana muda sampe sekarang ada brapa ???
Alo jawab pa dorang dua :
ohhh kita kasiang ndak banyak2 kasaing cuma 3, tu1 tu kita pe maitua ato bini skarang.
Utu deng Sampe tanya :
Kong tu 2 dang ??
Alo deng gaya santai jawab : ooooo..... tu dua itu ngoni dua pe mama.
brapa lama tu tampurung di tangan pa Utu deng Sampel malayang di pa Alo pe kapala........................
Alo panako suntik
suatu waktu Alo preman tomohon dapa saki malaria, kong karena dia so nda tahang deng de pe saki, dia langsung pigi ke dokter... sampe di klinik...harus ngantri..
pas alo pe giliran, kong alo masuk di ruang periksa..kong duduk di kursi periksa... dokter kurang haga-haga pa dia kong batanya :
Dokter : eh alo.. kiapa ngana kasiang? kiapa so rupa tusa da sirang deng aer?
alo : adoh dok... so totofore jaha kita dari tadi pagi, malaria pe jaha do...
Dokter : ah ngana tau malaria dari mana?
alo : iyo so dapa malaria ini dok... napa idong beringus trus, totofore, bera-bera...
kong dokter langsung ambil itu tensi ukur panas for ukur tuh alo pe panas..
Dokter : se gepe di ngana pe kile2 neh...2 menit.. nimbole cabut..
kong alo gepe di kile-kile...
sambil tunggu tuh tensi panas dokter ba cek alo pe lidah... pas dokter lia alo pe lidah .. dokter ta iko kage...
Dokter : Adooh.. alo.. so berat ini.. napa ngana pe lidah so putih samua.. iyo malaria ini...so musti suntik..
alo yang dengar dokter mo suntik langsung beking diri sehat-sehat dang... mar tetap nda bisa ...depe badan masih demam...
kong alo babuju pa dokter..
Alo : dok.. musti suntik dang kita?
dokter : iyo musti suntik itu alo...kalo nda mo totofore terus ngana...
alo : dok...iyo jo.. suntik jo dang... mar kalo boleh dang.. dokter suntik jo di gelas ... nanti kita minum dari gelas...
Dokter : @#$%^#$%^&#$%T^&U*
Akhirnya dokter bilang "Lo, jadi bagimana dank spaya boleh mo suntik pa ngana?"
Alo: bagini jo dank dok, nti ta babale jo...
Dokter: iyo dang mar musti capat ehhh..
1jam kemudian Alo ba bale kamari mar so sadiki 'ayap', bacarita so nda ja genap..(ternyata alo so pi gate sadiki di warong sablah)
Dokte: bagimana jo Lo? so brani...??
Alo: Sudah dok!!! Maaaaaaaaaiii... lehhh!! Dokter kira ta panako?? wwooooooooooooouuuuuuhhh!!! kyapaaa??? Napa Dokter!!! sapa brani kore ta pe badang ini, ta manimpang!!!!
Bu' pe sisa
Bu pe kerja nelayan, jadi diakalaur malam kong bale pagi2 so bawa2 keranjang fol deng ikang dia da dapa.
sampe di rumah dia bataria pa Usi,
Usi..... momasa akang ini ikang kong sondo tu nasi.
Usi bataria dari kamar mandi :
ehh Bu' ngana pi momasa jo kasana sandiri tu ikang deng sondo sandiri jo tu nasi.
Bu' kasiang deng bangka dada pi bakar sandiri tu ikang deng pe klar sondo sandiri tu nasi, mar deng dalang hati Bu' bilang bagini : awas ngana ta balas.
pe klar Bu' Langsung makang,
Bu makang tu ikang stenga kong depe stenga Bu' pangge pa tu dorang pe anjing : Bleki... sini napa Bu' pe sisa.
kadua lehhh bagitu.... so abis stenga Bu' ba taria... bleki napa Bu' pe sisa.
Usi klar mandi da lia2 Bu pe beking2 mar nda pangge pa Usi padahal Usi lehhh so lapar. mar Bu' beking bagitu terus.
Usi pe napsu pa Bu', dia masihh pake handuk kong dia buka tu handuk ba senga kong bataria....... BLEKI....... NAPA BU' PE SISA....................
3 cewe Nae pesawat
Ada ini 3 parampuang da nae pesawat... 1 jawa, 1 manado deng 1 dari irian.
kong diatas udara tiba2 tu pesawat angin kuat sambar.adooo.ciri 10 meter.samua bataria...
maar aneh skali ni cewe jawa ini.smntara orang da totofore ktkutan,napa dia da ba mekep(make up)
ini cewe mdo&irian bingo.
Ce mdo: oiii..kiapa ngana ba mekep?org samua so ktkutan.
Ce jwa : ahhh biarin aja.kan kalo aku kliatan cantik wkt pesawat ini kecelakaan psti aku yg di tolong duluan..
akhirnya cewe manado nekat buka dia pe knop baju 2 biji kase lia sadiki dia pe blahan Toto.
Ce jawa&irian:LOh ngpain kamu buka kancing Pamerin belahan payudara kamu?
Ce mdo:ahhh biarakang jo..kalu ni pesawat cilaka dorang lia kita pe toto dapa lia...pasti kita yang dorang mo tulung pertama...
adohhhh nyanda rekeng 3 kong kage ni cewe irian lgsng buka baju kong btalanjang.
Ce jawa&mdo: OIII knp telanjang???
Ce irian: Ahh biar Saja,kalu pesawat ini celaka toh yg mereka musti cari pertama KOTAK HITAM!!!!
MATA BANGKA
Om Utu waktu hari Minggu pulang dari Gereja,, om Utu pe mata so bangka kiri kanan..
tanta Unggu om Utu pe maitua kage da lia ,,, kong dia langsung tanya OOOOhhh kasiang Utu kiapa ngana pe mata bangka rupa orang ada fulungku....
Om Utu : bagini kwa Unggu depe cirita,,, tadi di Gereja ada cewek maso Gereja pake rok pendek, kong dia ada duduk di muka pa kita pe tampa duduk,, waktu torang dapa suruh badiri mo berdoa kita lia depe rok tamaso pa depe antara panta,,, kong kita tarek akang depe rok kase kaluar,,, kong itu cewek langsung tumbu kita pe mata Kanan...noh....
Tanta Unggu : kong kyapa dang ngana pe mata Kiri le bangka dang Utu ?
Om Utu : bagini Unggu ,, kita kira tu cewek nya suka kita ada tarek depe rok kase kaluar,,, kong kita se maso ulang noh depe rok di antara panta,, kong dia tumbu kita pe mata Kiri...noh...
Tanta Unggu : ?????? so itu le ngana pe maniso....
DRAKULA BERTOBAT
Ada ini drakula somo bertobat,, so nimau jadi drakula karna orang2 ja dusu pa dia, kong ini drakula berdoa : Tuhan kita so tobat jadi drakula jadi kita minta ampun jo, kita so nimau jadi drakula, tolong Tuhan kase jadi pa kita MALAIKAT PUTIH PAKE SAYAP jo neh, mar Tuhan cuma ada satu leh kita pe permintaan Kalu biar kita so jadi Malaikat putih pake sayap mar kita masih boleh jaga minum darah,, nya lama Tuhan basuara pa tu drakula ..Saya kabulkan permintaan Saudara Drakula,,(drakula so sanang skali) .. sekarang Saya kabulkan permintaan saudara Drakula menjadi Malaikat Putih pake Sayap tapi masih boleh minum darah,,,,
kong Tuhan langsung robah pa Drakula skarang Aku jadikan kau... SOFTEX...
opa terangsang hebat
waktu itu opa deng anak2 muda di kampung ada pangge ba uni film porno,saat selesai ba uni opa capat2 langsung pulang kong ba minta pa oma yg so mo ta sono......
OPA : oma kita mo ba minta dang.....so lama doe ngana nyanda kase2...
OMA : opa inga2 sadiki do tu umur....ngana so nyanda rupa dulu....so brapa kali so coba tetak ngana punya nyanda kras......
OPA : ini kali jo oma....kalau memang nyada mampu kita so nyanda minta2 lagi
OMA : butul nee ? janji kalau ini kali nyanda mampu se umur hidop kita nyanda kase nee ?
OPA : okeey kita janji komang.....
cerita nya opa samantara ada ba ambe jatah,tiba2 oma ta kage kong ba tanya pa opa....
OMA : eeeeh opa ngana ada minum jamu apa doe...kong so sampe kras sama deng waktu muda dulu....??????????????
OPA :
OMA : mulai beso bili jo goro banya2.......#@$#@%$#@%%$#@
opa pasiar Amrik
ada ini crita; suatu hari opa dapa undangan dr anaknya utk pasiar diamrik dang...adoooh bukang main opa senang bukang main..mo pasiar jao bukang luar negeri amerika lagi..naaah opa pe anak lupa kse tau klo nti dlm pesawat akan ada mo ba isi formulir...karena biasa toh klo dlm pesawat terbang sebelum pesawat sandar di airport luar negeri[usa] musti mengisi formulir yg namanya I-94,Immigration and Naturalization service....yea semacam begitulah, aduuuh..opa gugup ..tatafore...mar opa gengsi lei kw mo ba tanya..aaah bage jo..eeeh pd saat di bagian pertanyaan, jenis kelamin[tp pk english toh]..ada tulis sex..opa jadi gugup...opa bengong..opa ba pikir; kiapa lei dorang tanya komang sape dolong2..opa pe kira dorang tanya berapa kali ba sex..begitulah, adoooh ini amerika memang so canggih skaliii dang,sampe ba-sex drg mo suka tau...ha-ha-haaa! sudah opa isi 2x jo normal so tua..
naaah opa kumpul itu formulir..sampe di airport so mo turun, dorang pangge pa opa..excuse me..maybe you wrote's wrong about these section..oooh..opa jd ganu waktu lia..bagian sex dang...
kong opa bilang eeeh ngoni tau qt so tua ..so cukuplah 2x do'kang ...dorang bengong...kong langsung ba-jalan..opa acuuuh, drg cm geleng2 kepala...drg pikir opa so tuaaaa....drg maklum..ha-ha-haaaaaa!!
banting pintu
om alo dapa bini pang badiang mar dolong depe nama tanta nona...
tanta nona ini kalo ba marah nya ja langsung ba veto deng ba teto,,mar nentaw kyapa dia hobi skali banting2 pintu..om alo tasalah bicara dia banting kang pintu kamar,tasalah bakusedu dia banting kang pintu dapur,helekan ta salah banafas dia banting pintu kulkas...am alo weta cuma bisa sapu2 dada...
kong ni tanta nona trima depe katula,abis banting pintu dapur kong dia tapalisi deng takomedi akhirnya kasiang ta trus kong mati..."wooh tare Tuhan so banting pa dia"om alo ba konor dalang hati...
serta pas penguburan samua orang so pulang tinggal om alo deng pendeta..pendeta so pangge pangge pulang pa om alo
pendeta : brur alo relakan jo kasiang sudah so sampe sorga kwa tu nona
alo : blum pandita...blum sampe dia
pendeta : (bingo)...kyapa brur bilang bagitu??
alo : tunggu jo kwa dulu nanti kita setaw pa pandita kal dia so maso...
stengah jam om alo deng pendeta ba tunggu..kong kage2 nya da ujang deng tu matahari depe panas2,kong babunyi kamari guntur...
GROARRRRBRORRGROOR>.....
om alo langsung balumpa kong bataria pa pendeta.."mari jo somo pulang somo maso sorga tu nona!!..."
pendeta so bingo2 kong dia batanya: karena kyapa?ngana tau deri mana??
om alo cuma ta ngisi2 : nya dengar baru2 dia so banting tu pintu surga....
Tole pe doa
Ada dua kaka ade, utu deng tole,tiap malam seblum natal slalu datang tidor pa dong pe oma pe ruma trus tu kmr cm baku sabla dinding.
Seblum tidor spt biasa dong berlutut kong berdoa.
Tole : Deng bataria) Tuhan,qt berdoa spy ni natal qt bole dapa speda br, kl bole deng playstation ley..trus...nda apa2 no bonus baju deng spatu rupa taon lalu.
Utu : Eh tole kiapa ngana berdoa bataria? Ngana to tau Tuhan nyanda pongo?
Tole : Utu, qt tau no Tuhan nya pongo...mar tu oma.
Cirita Tole di sorga
Waktu hidop di dunia sapa nya kanal deng Pdt Tole...mantap ba khotbah, tampang ada,suka batogor deng terkenal bae2 punya...Pdt katu to....
Pas mati malaikat lsg jemput dia bw kasorga kong baku dapa deng Petu.
Petu : Tole, slamat dtg di sorga .Karna ngana bae2 deng mantap ngana bakhotbah, ini speda for ngana pake pasiar2.
Tole : Makase Petu, dp speda dang kita.
Baru bajalan brapa meter, lewat tu ungke da nae oto BMW.Tole lsg babale mo ba komplein pa Petu.
Tole : Petu , nda veer komang ini,masa tu kostor Ungke dp oto BMW.
Petu : Ngana tau, sblm gereja mulai tu ungke so basapu deng pel tu gereja trus dia ja lap tu bangku sambil berdoa spy orang dudu akang.Abis itu dia se babunyi tu lonceng greja sampe 3x.
Tole cm tatunduk kong bajalang tola2 tu speda.
Br brapa meter, lewat le tu Alo da nae motor honda.Tole le komang nae dara bapikir ini komang so nda adil jd dia bale ulang pa Petu.
Tole : Petu, co lia tu Alo masa dia dp motor, kan dia cm penatua dulu.
Petu : Memang dia cm penatua mar kl ada jemaat nda maso greja ,dia datang kunjungi trus kalu ada yg saki, dia berdoa akang kadang musti ba puasa, kalu ada yang susa dia datang bantu.
Tole so deng malo, tola palang2 tu speda kong ba jaoh dr Petu.
Dp beso pagi2 skali Tole baspeda deng baba floit lewat dimuka pa Petu.Petu bingo kiapa komang ni Tole dp lia sanang skali.
Petu : Eh...Tole, tumben komang ngana sanang ni hari.Jd so nda komplen cm dp speda.
Tole : (Sambil tata tawa) No apa dang. Napa kamaren sore ta lia tu Utu cm da bajalang kaki.
Petu : Oh...ngana pe maksud tu Utu mantan ketua sinode itu ...???!!!!!
COBA ULANG
Oom Kale mangamu lantaran depe anak parampuang so hamil...
"heh keke!!! sapa tu laki-laki kapista itu??? Adohhh kasiang!! ngana suruh mangada kamari pa papa dulu!!! kita mo injang-injang tu laki-laki itu!!!"
keke ambe depe Hp kong dia telpon. nda riki stenga jam muncul kamari tu oto ferrari merah manyala di muka rumah. muncul kamari Pace-pace so satu umur deng Oom Kale. Kong langsung bacirita bae deng Oom Kale
" Oom, kita tu da se hamil Oom pe anak, mar kita nembole kaweng akang karna tape bini nda stuju.. mar kita tetap mo tanggung jawab kwa.."
Oom kale cuma da haga deng muka maskena " apa ngana pe tanggung jawab?"
"Bagini Oom, kalo dia dapa anak parampuang, kita mo kase akang 1 hotel, 2 supermarket deng doi 5 Milyar, kong kalo dia dapa anak laki-laki kita mo kase 1 kilang, 2 Hotel, 2 Supermarket deng doi 10 Milyar" tu pace bilang
Oom kale pe muka so mulai sedap dapa lia.. so nda rupa da gantong akang blanga.. " Ooohhh.. bagitu dang?"
"iyo Oom.. mar kalo keguguran dang kita musti bagimana??" pace batanya pa Oom Kale.
Oom Kale langsung pi paka pace pe bahu kong bilang
"NGANA COBA ULANG SAMPE JADI NEH.."
JABATAN DI KEPOLISIAN
Alo : he utu, kita pe om depe jabatan di kepolisian tinggi skali
Utu : berarti ngana pe om kapolri dang
Alo : bukang
Utu : kapolda !
Alo : bukang
Utu : kapolwil !
Alo : bukang
Utu : kapolres !
Alo : bukang
Utu : kapolsek !
Alo : bukang
Utu : hee, samua bukang, kong ngana pe om apa dang?
Alo : kita pe om ... kapoyos
Utu : cukurungan ... ta paka tre deng ni slop pa ngana
Injang Kodo (injak kodok)
satu kali tole,uti deng ungke bermaeng ka gunung.... biasa anak2 muda cari anging di atas gunung... pas sampe diatas banya skali kodo...adooo tole deng uti injang injang kong ja bermaeng akang tu kodo... kage ungke bataria...
Ungke:woiii ngoni duaa... jangang injang tu kodo...
Tole-Uti: kiapaaaa so??? sadap tare ini...
Ungke: adoooo dengar pa kita... ngoni kaweng nanti pasti mo dapa bini sube
deng besaeeee...
Tole-Uti:aaahhhhh... ngana ini...hari bagini masih percaya mistik..
Tole deng uti nyanda farek pa ungke...dorang injang trus tatawa mantapss...
20 thn kemudian dorang samua so kaweng kong ungke undang reuni di hotel mulia jkt.
Tole datang bawa Mercy lewat di muka lobby kong klakson pe ungke...cahhh...so mantaps...
ungke:woiiii Tole... so lama nda bakudapa..mana dank maitua,nda iko?
Tole: ohhh...nda enak badang dia...ehhh mana Uti dank?
kage uti muncul klakson2 diatas BMW.
Uti:woiiii ngoni dua dankkkk...so sukses...
Tole-Ungke:woiii...mana maitua???
Uti: arrgghhh... da pulang gorontalo dia...
Uti-Tole:kong maitua mana ungke? ehhhhh mar sblum ngana pangge...torang dua mo mangaku dulu...mestinya torang dengar ngana da bilang di gunung dulu...
Ungke: kiapa so?
Uti-Tole: torang pe maitua besaeee skaliiiiiiiiiiiiiiiii...
Ungke:Pi rasaaaaa ngoniiii...kita so bilang nda percaya..ngoni dua lia kita pe bini.. Maaaaaaaaa....sini dulu... (ungke pe bini muncul pe fasung skaliiii kong sexy aduhaiiiii) napa kita pe maitua...fasung toh?makanyaaa, ini dia pe hasil kita nda injang kodo...
kage ungke pe maitua bataria...
Maitua:IOOOO NGANA NYANDA INJANG KODO...MARRR KITA TU DA INJANG KODO UNGKEEEEE!!!!
Opa deng BH
Opa mo kase hadiah ultah pa oma mar opa bingo mo kase apa. Pas opa lia orang baca majalah ada gambar bh dia langsung pikir mo kase bh. Opa langsung pi toko mar karna pe banya model opa so bingo, kong tu penjaga batanya “ Opa mo bli apa?” “ Oh mo bli bh for oma” tu penjaga tanya “oma pe ukuran apa kang” “ ado itu noh opa lupa depe ukuran karna capat-capat nda riki bawa contoh” penjaga bilang “oh tenang opa, mungkin oma pe ukuran sama deng lemong bali” opa bilang bukang talalu basar itu “ ato sama deng bola tenes sto” opa bilang ah masi basar itu “ oh kalo telor ayam bagimana?” opa semangat skali “ oh iyo pas itu mar yang da beking dadar”
BeBeK & Ayam.
Bebek : Ayam, berapa ngana pe telor satu biji..?
Ayam : Rp.1.450 satu, kalu ngana dang?
Bebek : Kalo qta Rp. 1.500,-
So itu ngana kase basar kwa ngana pe telor supaya mahal..!
Ayam : iiihh..berenti le, cuma beda Rp.50 kong qt pe panta tarabe... :))
SO POKA-POKA (*)
Satu sore ada 2 orang muda cacad ex pasukan Permesta da babacirita di Panti Rehabilitasi.
Pokol, so ilang depe kaki dua da kanal ranjau...
Bucek, so buta depe mata karna da takikis pilor. .
Pokol (nda' punya kaki): Torang so lama kang nyanda' da babajalang cari anging?
Bucek (orang buta): Iyo, kang... mar kita komang musti gendong pa ngana pa kita pe pundak, noh
Pokol: Mar kita kang tu bageang ja balia, kong kita toh langsung da cirita pa ngana apa tu kita da lia ...
Bucek: Iyo jo tare', sini jo, kita gendong pa ngana di pundak, kong torang mulai bajalang jo...
Pokol; Torang pigi jo ka kuala, kong pi lia tu orang-orang kampung ja mandi di situ...
Kong dorang dua brangkat deng Pokol dan badudu pa Bucek pe pundak....
Pokol tu ja kase tunjung depe jalang, sambil bilang lurus, ka kiri, ka kanang... stop.
Pokol: Ce', torang so sampe ini... mar so poka-poka kwa'... tu orang da mandi
amper so nyanda da dapa lia, noh..
Burek: Trus?
Pokol: E, ada re'en tu anak-anak da mandi itu....
Bucek: Trus apa lagi?
Pokol: Itu ada tu nene-nene' da batono di aer...
Bucek: Truuss...?
Pokol: Hei... ada lei tu nona-nona da mandi... truss... trussss......
Bucek: Mmmh... da batalanjang, kang?
Pokol: Kiapa lei ngana da tau?
Bucek: E, eee... tape mata memang nya' dapa lia, mar...
tape panta leher so da dapa rasa!!!
(*) remang-remang
Utu ba bahasa Enggres
utu, om alo pe anak, da skolah di luar negri,... setelah 1 taong utu pulang kampung.. depe papa beking syukuran di dorang pe rumah. Karena so ka luar negri, om alo berharap utu jago ba bahasa enggres trus, maar nintau kote utu lei blum lancar.....
om alo: "utu, kalo ngana bacirita deng orang2 ja cumu2 sadiki tu kata2 enggres modern dang supaya dapa dengar gaga dang di talinga."
Utu: "oh beres pa"
Utu badiri di muka pintu kong mo kase tangang pa tu orang2 ba datang,.... nintau mo cumu kata enggres apa, kong utu da pa inga klamaring dia da lia depe ajus pe sabong cuci piring "SUNLIGHT"....
Utu: (kase tangang pa orang 1) "SUNLIGHT!!!".... SUNLIGHT!!"
(kase tangang pa orang 2) "SUNLIGHT!!!".... SUNLIGHT!!"
(kase tangang pa orang 3) "SUNLIGHT!!!".... SUNLIGHT!!"
Om alo dengar kong bilang pa depe tamang2...
OM alo: "ngana lia tape anak sana..... dia so susah ba bahasa mnado, kurang ja pata2 dang bagitu...!"
tamu2: "bukang maeng....... ngana pe anak lo!!..... ckckck jago skali kang!!!"
kong tu pa' pendeta tu da hadir, suru utu berdoa makang pake bahasa inggris
Pendeta: "Bagimna kalo torang pe utu, doa makang pake bahasa enggres dang e!?!?"
Utu so bingo mu cumu apa, kong utu ta da lia tu mentega deng tu macis di dapur, utu bage setau noh...
Utu: (tunduk kepala kong berdoa) "Blueband margarine macis cap tusa', amin!!"
Om alo: "Memang jago tape utu kang, biar doa pende mar berbobot!"
@#$*@#$%$@##*
Hoka-hoba
Opa senang skali di undang cucunya ke jkt...
so lama skali opa nyada pasiar..
bebrp hari kemudian opa di ajak cucunya makan di luar..
Cucu: Opa ayo.. torang mo makang diluar.. ada restoran jepang enak..
Opa: o iyo.. opa mo baganti baju.. dulu..
sepanjang jalan opa ingat tu memori sewktu masih dinas di jkt..
Sampe di daerah kota.. (hayam wuruk..terkenal dengan segala macam...)
Cucu: opa manjo turung.. di sebelah situ kwa tuh restoran jepang yang torang mo makan..
Opa: (pe turung opa lsg ta kage..) eh nih restoran ini kita tahu.. dulu pernah ke sini..
Cucu: Ah.. opa ada2 aja.. ini restoran baru.. depe nama HOKA-HOKA BENTO..
Opa: Eh tuang... biar opa so tua bagini.. opa nyanda mo lupa.. ini dulu depe nama HOBA-HOBA PEND.. (O... Sensor..)
Ha...ha...ha..
SOTOY
Satu hari om Alo' tu kusir bendi di Amurang da dapa penumpang deri gunung, depe nama Lole...
Lole memang pe sombong, suka ja bagaya tau samua, sok tau atau "sotoy" kalu anak-anak Jakarta pe istilah skarang).
Memang kabutulan dia sandiri kwa' kalu di gunung biasa ja bawa roda sapi...
Pas tu bendi da bajalang, tau-tau tu kuda mulai bastrekel, mungkin karna da tabobou tu Lole pe kile-kile.
Tu kuda trus badudu di tengah jalang kong so nimau badiri, maske jo om Alo' so kase cambok brapa kali stou.
Trus ada bendi laeng pas da langgar pa dorang pe sei, kong tu depe kusir bilang:
"Om Alo', rako jo ka sana depe tolor deng cambok!"
Om Alo' trus iko akang, eh, butul juga, tu kuda trus badiri kong bajalang lagi da hela tu bendi.
Lole da pasang talingang bae-bae, noh, karena da dapa pelajaran baru vor dia.
Blung lama tu bendi da bajalang, kong bakudapa deng bendi laeng tu depe kuda da bastrekel bagitu lei.
Dapa lia tu depe kusir so bingong mo beking apa, karna depe penumpang so mangomel trus.
Lole karna rasa so dapa ilmu trus bataria ka sana pa tu depe kusir:
"E, mom (om), rako jo ka sana depe tolor dengan cambok!"
Kong dapa dengar tu kusir laeng itu manyao kras-kras:
"E, ngana pe kapala skopong, nintau kalu ini kawayo wewene...." (kuda betina)
Sanger VS Kema
Ada tu orang sanger ( ungke ) dengan orang kema ( kema ) ba cerita kalu sapa pe kampung tu yang lebe jago
kema : "Ungke, torng pe kangkong di kema.. be..h tikus boleh ja maso akang"
ungke : "Kalu torang pe kangkong kema, tikus tako ja maso..."
kema : "Kiapa bagitu dang ke..??"
ungke : "Ada tusa didalam !!!"
Depe beso dorang ley baku dapa ulang di warong kema nemau kalah pa ungke, dia langsung angka suara lebe dulu
kema : "Ungke, ngana tau.. e dorang ada dapa tu ikang putih di kema, rupa sosiru depe besar...."
ungke : "Ah torang ley di sanger rupa sosiru dp besar..."
kema : "Ah nda mungkin noh ? sama dang ?"
ungke : "Jangan senang dulu kema... itu baru depa mata..."
kema : "##!@$"
Depe lusa kamari dorang dua ley ta baku dapa di warong kopi gara-gara kema so nafsu ungke cuma ja dapa tindis depe cerita kema langsung angka cerita..
kema : "Ungke, ngana tau tu hari torang ada cabu ubi.."
ungke : "Kiapa ??"
kema : "Wuihh, depe batang di kema satu.. kong depe akar di kema dua....."
ungke : "Eh kema... asal ley ngn tau..."
kema : "Apa itu ?"
ungke : "Torang pe blanga goreng di sanger, depe talinga satu ada di tahuna kong tu satu ada di tagulandang..."
kema : "Pemar... for apa ley tu blanga goreng so pe besar begitu ???"
ungke : "FOR MO GORENG AKANG NGANA PE UBI KUDA CUKI TU DIA NOH.....!!!"
3 Jagoan For Palestina
Israel da bom tu Palestina!!!
Pemeritah Indonesia mo ba bantu.. dorang kirim 3 jagoan dari sini...
yang pertama Ungke ba opo-opo kong da mandi kabal.. dia cuma ja ba sosuru di kusu-kusu, kong kalo so diantara kusu2 langsung jadi kabal. senjata nda mempan!! Maaarrr.. sampe di Palestina cuma ada padang gurun, nda ada kusu-kusu jadi Ungke nembole basosuru.. yaaaahh.. tewas dengan sukses kena tembak.
kadua Uti dorang bilang kata Uti "Otot kawat Badan Besi", baru sampe di Airport dapa tangka gara-gara orang airport kira Uti penyeludup besi tua.. nda jo ta pigi k Palestina.
Terakhir dorang mo kirim pa Empi.. Odohhhh... memang sakti skali.. orang-orang senama pa Empi "Pendekar bertangan kosong" karna kalo Empi bakalae nda ja pake peda, piso, panah wayer, atau apapun itu.. 1 kampung leh mangada, rubu samua. pokoknya Empi nda ja bawa apa2 kalo bertarung.
Maaarrrr....
sampe skarang Empi masih di Cengkareng.. Nda bisa Ke Palestina.. karena Nda ada Dokumen...
(Maklum, tangan kosong!!)
Posts
Leave A Reply